من مرشدين يعملون في هذا المجال

نصائح المرشدين عن توجيه مهني

نصائح قصيرة وعملية من مرشدي المنصة مع المصادر التي تستند إليها. صوّت لما أفادك وتابع المرشدين الذين تتعلم منهم.

نصيحة
30
مرشد يشارك
7
تصويت مفيد
147
  1. Mahmoud Adel مرشد قائد-تقني في هندسة البرمجيات @Foodics ·

    في ناس كتير خلال فترات المذاكرة بتبقي متخيله انها مجرد ما تشترك في (مينتورشيب , كورس , جيم ) النتيجة بتكون مضمونه ,

    وعلشان كده لازم من الاول نوضح توقعاتنا الـ ممكن تخلينا نوصل لبعض اكتر ونفهم فعلياً المشكلة الحقيقية فين ..

    وخلوني انا ابدأ اشارككم علشان اكون أولكم :-

    في فترة كنت مقدم علي شغل في شركة Digital Ocean ودي من الشركات الكبيرة المٌتخصصة في الـ Hosting والـ من خلالها نقدر تنقل لشركات كبيرة عالمية

    ووصول الـ Cv بتاعي لـ هناك كان حلم خصوصاً اننا بنتكلم من 4 سنين فـ " محمود " مكانش لسه برضوا مر بكل التجارب الـ تديله خبرات عملية في الحياة

    اشتركت ساعتها في Coursera و Udemy ودخلت خدت مينتورشيب مع شخص Staff في شركة Meta ودفعت فلوس كتير جداً حقيقي

    كنت كل يومين اقعد اقرأ كام مقالة , واحضر نفسي نفسياً للانترفيو وممكن يعني اقرا تجارب الناس وممكن اذاكر حاجات بسيطة

    دخلت الانترفيو واداني مسئلة Problem Solving بـ Typescript وساعتها مقدرتش احلها لانها محتاجه وقت وكانت صعبة جداً

    وحقيقي البوزيشن كان يستاهل , وطبعاً اترفضت وده خلاني غضبان جداً من كورسيرا ومن المينتور بتاع Meta

    وخلاني غضبان من كل الناس إلا الشخص الـ كان سبب اساسي في كل ده ( هو أنا )

    في التجربة دي انا اتعلمت ان مش شرط اني جهزت الادوات اني اكون جاهز ابني المدينة كاملة

    ومش معني اني حضرت الاجرائات الخاصة بالانترفيو اني جاهز , وبدات اقيس ده علي كل حاجه

    في فرق بين الـ Vibes الـ تخليك تحس انك ( بتشتغل او بتذاكر ) وفي فرق بين المذاكرة والشغل الحقيقين


    وانت كمان شاركني تجربتك جايز تفيد غيرك ؟

    مفيدة · 9 تعليق فتح النصيحة
  2. Mohamed Hassan مرشد مهندس أنظمة برمجية ·

    مش كل هدف ينفع توصله بأي طريقة.. المهم توصل له وأنت بتقدم قيمة حقيقية.

    في إحدى جلسات الـ1:1 Mentorship، كنت بتابع مع طالب هدفه إنه يحقق 3 شغلانات Freelance خلال فترة معينة.

    في البداية، كان كل تركيزه على إزاي يجيب العدد ده ويقدم على أكبر عدد ممكن من ال Proposal's.

    لكن كان عندي سؤال أهم:

    إيه اللي يخلي العميل يختارك أنت تحديدًا؟ وإيه القيمة اللي تقدر تقدمهاله؟

    اتفقنا إننا قبل ما ندور على عملاء، نشتغل على تجهيز نفسه للسوق.

    بدأنا بتحديد الخدمات اللي يقدر يقدمها في مجال الـData Analysis، وبعدها حطينا خطة عملية:

    - ينفذ مشاريع في Data Cleaning وتحليل البيانات.

    - يعمل Dashboards باستخدام Power BI.

    - يعرض كل مشروع بشكل احترافي، ويوضح المشكلة (Problem)، والحل (Solution)، والنتيجة (Outcome).

    - يبني Portfolio يقدر يعرضه على العملاء.

    وبعد ما بدأ يقدم على منصات الفريلانس، فضلت أتابع معاه تنفيذ الخطة وتقدمه، ونراجع النتائج مع بعض.

    والحمد لله، قدر يحقق 2 من أصل 3 شغلانات كنا مستهدفينها، وحصل على تقييمات كويسة من العملاء.

    إيه اللي ممكن تتعلمه من التجربة دي؟

    لو أنت طالب وعايز تبدأ في الفريلانس، متخليش كل تفكيرك إزاي تجيب أول عميل.

    اسأل نفسك الأول:

    1. إيه المشكلة اللي أقدر أحلها؟

    2. هل عندي المهارات الكافية لتقديم الحل؟

    3. إزاي أثبت قدراتي من خلال مشاريع عملية؟

    4. هل بعرف أعرض شغلي وأوضح قيمته للعميل؟

    متكتفيش إنك تتعلم مهارة، اتعلم إزاي تحولها لخدمة بتحل مشكلة حقيقية.

    لأن العميل مش بيدفع لك عشان تعرف تستخدم Tool، هو بيدفع لك عشان تساعده يوصل لنتيجة.

    وده اللي بنشتغل عليه في جلسات الـOne-to-One Mentorship: تحديد اتجاهك، بناء خطة مناسبة ليك، ومتابعة تنفيذها وتطويرها.

    لو حابب تبدأ طريقك المهني بشكل أوضح، احجز جلستك معايا:

    https://monstersgate.com/ar/mentorship/mohamed-hassan-jtecJ5

    مفيدة · 1 تعليق فتح النصيحة
  3. Mohamed Hassan مرشد مهندس أنظمة برمجية · · معدّلة

    الـ Portfolio والـ Personal Brand بيبدأوا من مشكلة حقيقية

    أكتر سؤال بسمعه من اللي لسه بيبدأ برمجة: "أعمل مشاريع إيه؟ وأجيب الأفكار منين؟"

    وغالبًا اللي بيحصل إنه يعمل 15 مشروع من كورسات، ويحطهم كلهم في الـ Portfolio. بس الـ Portfolio مش مخزن لكل اللي عملته، هو مكان لأحسن حاجة بتثبت إنك تقدر تقدم قيمة.

    فالحل: ابدأ من مشاكل الناس.

    اتكلم مع أصحاب بيزنس، ولو معندكش حد، اسأل اللي حواليك، حتى صاحب المحل اللي على ناصية الشارع. إيه اللي بياخد وقتك؟ إيه المشاكل اللي بتتكرر كل يوم؟ هتلاقي مشكلة تتحل بـ Software أو Automation أو AI.

    مش لازم منتج ضخم. المهم يكون حاجة حقيقية بتشتغل، وتوثّق اللي عملته.

    وبعدها اعرض النتيجة بالأرقام:

    وفّرت كام ساعة؟ قلّلت التكلفة قد إيه؟ إيه اللي كان يدوي وبقى أوتوماتيك؟

    كده أنت مش بس عملت مشروع، أنت عملت Case Study تستاهل تتحكي.

    وانشر عنها. شارك رحلتك والتحديات والنتايج. ولو مفيش حاجة تنشرها؟ ارجع لأول خطوة.

    وهنا بتتكون دايرة:

    تسمع مشكلة ← تبني حل ← توثّق ← تنشر ← الناس تعرفك ← تيجيلك مشاكل وفرص جديدة.

    وساعات المشكلة اللي بدأت تحلها كمشروع بتتحول لمنتج وبيزنس حقيقي.

    فبدل مشروع رقم 16 شبه الـ 15 اللي قبله، دوّر على مشكلة حقيقية، واعمل حاجة تستاهل تتحكي.

    مفيدة · 8 4 تعليقات فتح النصيحة
  4. Mahmoud Adel مرشد قائد-تقني في هندسة البرمجيات @Foodics ·

    اكتشفت كام نقطة بعد 4 مقابلات عمل أو Interview في شركات كبار

    -

    1- الـ Cv - بتبعته وبيقعد من اسبوع لـ 3 شهور علي ما يجيلك الرد , ولو مجالكش فـ انت معدتش من الـ ATS ومتشافتش

    ولازم تراجع الـ Cv بتاعك بشكل كامل

    وتتأكد انه قابل يتعمله (Parsing او تقسيم)

    علشان يقرأ المحتوي بشكل مناسب ويديله Score

    -

    2- بيجيلك الرد بالـ Interview في إيميل

    لو شركة محترمه بتبعتلك لينك تختار الميعاد المُناسب معاك

    لو شركة مستعجله هتكلمك في التيلفون ويسألك لو الوقت مناسب

    لو شركة محترمه ومستعجله هيبعتولك لينك المواعيد فيه قريبه

    -

    لو شركة مش مناسبه ؟

    هيعملولك الانترفيو في التيلفون

    ولو قولتلهم مش موافق او الوقت مش مُناسب هيحطوك بلاك ليست

    هيتصلوا بيك في اي وقت بعد الساعه 5 حتي لو الفجر

    ممكن يبعتولك واتساب من حساب اسمه ( حسين الجسمي )

    -

    3- الـ Hr Interview بيكون كالأتي

    1- انت عارف انت مين كويس والـ Cv حقيقي ولا Fake

    2- يتاكد من الـ Gaps , الفجوات , بين انتقالاتك من شركة للتانيه

    3- بيشوف الـ Culture وطريقة تفكيرك وفهمك للـ Career وهل مناسب للفريق عندهم ولا لا

    4- بيقيم طريقة كلامك واسلوبك وتفاعلك مع الاسئلة وصراحتك وشفافيتك كويس جداً

    -

    لم بتخلص بيقولك هنبعتك للـ Tech Interview

    وساعتها بيجيلك إيميل تحدد الميعاد او بيحدده في نفس المقابلة

    وبيسالك لو مُناسب معاك وبيزودك ببعض التفاصيل كمان

    -

    الشركات هنا بتنقسم لـ 3 فئات

    1- الفئة الاولي ودول اصحاب الـ Tech Discuss

    وهنا الشركة مُرتباتها من اول 3000 دولار لـ 12 الف

    الاول هيعدوك علي : Code Interview من عندهم في مجالهم

    واخبط راسك في الحيط عادي وصيح بسبب الـ Ai

    الثاني : هيعدوك علي : System Design Interview وده بيكون فيه كل حاجه عن السيستم من اول الـ HLD,LLD للداتا بيز والـ Load Balance والاغلب بيديك Case مهمه جداً تصممها

    واغلب الـ Cases من عندهم وبيهتموا بالـ Industry جداً

    _

    2- الفئة التانيه : ودول اصحاب الـ Do Your Job Well

    ودول هيدوك Task ويخلوك تعمله بشكل High Performance كويس وبتكون منطقيه وجميله وبعدها يدخلوك انترفيو يناقشوا معاك التاسك وحاجه مهمه جداً اسمها الـ Tread Offs وقراراتك المهمه

    ودول السالري بتاعهم من 1000 لـ 3000 دولار

    -

    3- الفئة التالته

    هتكلم في ثريد جديد

    _

    بعد ما بتخلص بتقابل الـ CTO او Head of Engineering

    او لو شركة صغيرة الـ CEO وساعتها اهرب

    See

    مفيدة · 2 2 تعليقات فتح النصيحة
  5. Amera Amr مرشد Senior backend developer @Innovitics inc ·

    لغة البرمجة مجرد أداة… مش هي اللي بتحدد قيمتك كـ Developer.

    في أي لحظة ممكن الـ Tech Stack واللغة اللي بتشتغل بيها يتغيروا في الشركة، ووقتها السؤال الحقيقي مش: «أنا بعرف PHP، Python أو Java؟»

    السؤال هو: «أنا بفهم Software Engineering بجد؟»

    الـ Syntax بيختلف من لغة للتانية وممكن تتعلمه في أيام، لكن الأهم إنك تفهم:

    • السيستم شغال إزاي من جوه (Performance, Scalability, Memory)

    • إزاي تكتب Clean Code وتصمم حلول هندسية صح

    • ليه بتختار حل معين وإمتى، مش مجرد إنك تخلّص التاسك

    اللغات بتتغير وتتطور كل يوم… لكن الأساس القوي هو اللي بيخليك تتكيف وتشتغل بأي لغة وفي أي مكان.
    "لو اتحطيت بكرة في موقف واضطريت تغير لغة البرمجه او الفريم ورك في شغلك … شايف إيه أول تحدي هيقابلك؟ "

    مفيدة · 12 6 تعليقات فتح النصيحة
  6. Mahmoud Adel مرشد قائد-تقني في هندسة البرمجيات @Foodics ·

    ازاي تبني "مُهندس برمجيات" او Software Engineer

    في أحد جلسات التدريب , كان في شخص عقليته قوية جداً ولكنه لسه بيبدأ

    واحنا بنبي الـ Plan او الـ خطة الخاصة بالمذاكرة , كنت حريص جداً اني امشي معاه بـ "نهج" مُختلف عن ما بمشي مع اي طالب واني استغل العقلية القوية الـ قدامي وابدا معاه كالأتي :-

    1. انه يتعلم كويس ازاي يطلع الـ Requirements من التاسك
      1. سواء الـ Functional والـ None-Funcational
      2. يقدر يطلع الـ Requirements الـ Out-Of-Scope
    2. انه يتعلم كويس ازاي يطلع Capacity Estimation
      1. يعني يقدر يحسب الـ Read / Write Per Second لمليون مُستخدم للخدمة
      2. انه يقدر يحسب احتياج الـ Storage علي مدار 5 سنين بـافتراض 500 بايت في الثانيه
      3. ازاي يحسب الـ Bandwidth In/Out
    3. الجزء التالت كان الـ HLD او النظرة العُليه لتصميم السيستم بتاعي
      1. وبدأنا نتكلم انها ازاي يعمل HLD Diagram components سواء للسيستم
      2. و الـ Request Flow , Sequence Diagram
      3. انه يقدر يشرح كل Component موجود في السيستم والـ Coupling كمان

    وقولتله أخر البلان هاخد منك Key Decisions علشان اعرف كل قرار انت خدته

    وفعلاً : مكدبش خبر وبدأ انه يشتغل علي بلان , بدون تعليقات زي ( الـ Ai بيعمل ده )

    حالياً نفس البلان دي هكررها مع شخص تاني بنفس الـ عقلية الفذة العبقرية

    علشان عارف كويس ان توجيه الـ Ai وقراراته محتاج مُهندس مش مُبرمج حافظ الـ كود

    ايه رأيكم في البلان دي ؟ وهل تقدر تطبقها مع نفسك ؟

    المصادر تحت الـ Tip تقدر تتعلم كل حاجه قولتهالك في البوست ده

    مفيدة · 10 تعليق فتح النصيحة
  7. Amera Amr مرشد Senior backend developer @Innovitics inc ·

    شطارتك في الكود لوحدها مش كفاية… الـ Networking هو اللي بيفتح الأبواب الحقيقية.

    بعيداً عن الكود و programming ، فيه مهارة بتفرق في كاريرك أكتر ما تتخيل: دايرة معارفك المهنية.

    ثلاث حاجات اتعلمتهم هما :

    • وسع الدايرة: مش لازم كل اللي تعرفهم يبقوا في نفس التراك بتاعك، اتعرف على ناس من كل التخصصات في المجال.
    • اهتم بوجودك على LinkedIn: أول شغل جالي كان عن طريقه؛ لما بتبان وبتشارك، الفرص هي اللي بتدور عليك.
    • سيب أثر في كل مكان تشتغله: زمايلك ومديرينك في أي شركة هم شبكة أمانك مستقبلاً، وممكن انو يحصلك (Recommendation ) واحدة منهم ممكن تختصر عليك شهور تقديم.

    الكود والشطارة هما اللي بيخلوك جاهز للشغل، بس علاقاتك بتزود سرعه وصولك للوظيفه

    مفيدة · 6 8 تعليقات فتح النصيحة
  8. Amera Amr مرشد Senior backend developer @Innovitics inc · · معدّلة

    الـ AI مش جاي ياخد مكانك، بس المبرمج اللي بيعرف يستخدمه صح هياخد مكانك.

    لو بتستخدم أدوات الذكاء الاصطناعي عشان تنسخ كود جاهز وتحطه في مشروعك وخلاص، فأنت كده مش بتطور وهتفضل مكانك؛ في أول إنترفيو تقني مش هتعرف تبرر قرار واحد كتبته.

    عشان تستغل الـ AI لصالحك وتكبر كمهندس:

    1. خليه يشرحلك مش يكتبلك: لو كونسيبت زي OOP أو العلاقات في الداتابيز مش مفهوم، اطلب منه يشرحهولك بتشبيه بسيط من الحياة.
    2. افهم الـ Error قبل الحل: لما يظهر خطأ أحمر في شاشتك، اسأله: "ليه ده حصل؟"، عشان تتعلم تقرأ الـ Logs بنفسك.
    3. اطلب مراجعة الكود (Code Review): اكتب الكود بإيدك أولاً وجرب ال prompt دي :
      "إزاي أحسن كتابة الكود ده ليكون Clean Code أكتر؟".
      "How can I refactor this code to make it cleaner?"
      خلّي الـ AI هو المساعد والـ Co-pilot، وأنت في الاخر صاحب القرار.
    مفيدة · 8 14 تعليقات فتح النصيحة
  9. Mahmoud Adel مرشد قائد-تقني في هندسة البرمجيات @Foodics ·

    معلومة هتفيدك في الـ Interview

    لما بتبني هيكل كلاسات معقد زي (Object Hierarchy أو Composite Structure) وتلاقي نفسك كل شوية مضطر تضيف سلوك أو عملية جديدة على الكلاسات دي، هنا بتبدأ المشكلة.

    الطريقة التقليدية إنك تدخل جوه كل كلاس وتضيف الـ Method الجديدة، وده كسر صريح للـ Open/Closed Principle، لأنك بتعدل في كود شغال ومختبره زمان لمجرد إنك عايز تعمل Report أو Export بشكل جديد.

    عشان كده بقدملك الـ Visitor Design Pattern.

    الفكرة الجوهرية للـ Visitor هي فصل الـ Algorithm عن الـ Objects اللي بتشتغل عليها. بدل ما الـ Business Logic تكون جوه كلاسات الداتا، بتفصلها في كلاس منفصل اسمه Visitor.

    الميكانيزم بيعتمد على الـ Double Dispatch؛ الـ Element بينادي ميثود الـ Visitor ويبعت نفسه كـ argument visitor.visit(this)، فالـ Visitor ينفذ السلوك المناسب للـ Type من غير instanceof ولا switch-case معقدة.

    طيب ايه الفرق بينه وبين الـ Strategy والـ Factory ؟

    الفرق جوهري في المشكلة:

    • الـ Strategy بيدي لك كذا طريقة تعمل بيها نفس المهمة وقت الران (زي طرق دفع مختلفة).

    • الـ Factory ملوش علاقة بالسلوك، ده مسؤول عن إنشاء الكائنات وتجريد عملية الـ Instantiation (خدت بالك من تجريد دي؟).

    • الـ Visitor جاي عشان تنفذ عمليات مختلفة ومتنوعة على مجموعة كلاسات ثابتة ومختلفة الأنواع من غير ما تعدل الكلاسات دي نفسها.

    امتى تستخدمه؟ لو عندك Object Structure ثابتة ونادرة التغيير (زي عناصر AST أو File System)، بس العمليات بتتغير باستمرار، الـ Visitor بيخليك تضيف عمليات جديدة من غير ما تلمس كلاسات الداتا الأساسية وتعك الدنيا.

    لكن خد بالك: لو الهيكل نفسه بيتغير كتير وبتضيف كلاسات جديدة باستمرار، الـ Visitor هيحول الكود لكابوس صيانة، لأن كل كلاس جديد هيجبرك تعدل على كل الـ Visitors الموجودة.

    مفيدة · 3 تعليق فتح النصيحة
  10. Mahmoud Adel مرشد قائد-تقني في هندسة البرمجيات @Foodics ·

    بتعملوا ايه في الأيام الـ بتكون فيها الإنتاجيه معدومة وحاسس انك مشلول ومش قادر تاخد خطوة رغم الالتزامات الـ عليك ؟

    بص يا سيدي، إحساس إنك "مشلول" ومش قادر تاخد خطوة رغم إن وراك بلاوي ده غالباً سببه ضغط عصبي واحتراق نفسي مش كسل خالص. عشان تفك القفلة دي، جرب الخطوات دي:

    1. بطّل جلد في نفسك: اقبل إنك تعبان واعتبرها ساعة راحة إجبارية. جلد الذات بيستنزف آخر طاقة في دماغك.

    2. أصغر خطوة ممكنة (Micro-steps): متفكرش في حجم الالتزامات الكبير؛ اختار أفهه خطوة وأسهل حاجة خالص (زي إنك تفتح الملف أو تكتب سطر واحد) والتزم بيها 5 دقايق بس.

    3. فضي دماغك (Brain Dump): هات ورقة وقلم واكتب كل اللي وراك وكل اللي مزعلك براسك. ده بيقلل الدوشة ويهدّي الليلة في عقلك.

    4. افصل المثيرات: ابعد الموبايل تماماً وقعد في مكان هادئ؛ السوشيال ميديا في وقت الشلل بتزود الإحساس بالعجز.

    5. استعين بربنا: ادعي وقول: "اللهم إني أعوذ بك من العجز والكسل"، واطلب العون عشان تبدأ.

    ابدأ بسطر واحد.. اللي بيعطّلنا هو التفكير الكتير مش الشغل نفسه.

    مفيدة · 9 تعليق واحد فتح النصيحة
  11. Mahmoud Adel مرشد قائد-تقني في هندسة البرمجيات @Foodics ·

    زي ما دايماً بنتقد الشركات في الـ Hiring، تعالوا نشوف "العالم المُظلم" من الناحية التانية!

    اتطلب مني أرشح حد لبوزيشن Fullstack Generative AI Engineer (Senior) في شركة محترمة.

    جربت معارفي الأول وبعدين نزلت بوست بمتطلبات واضحة جداً وتشيك بوكس لكل مهارة.

    واللي حصل من 300 مقدم كان عبث حقيقي:

    1. ناس بتقدم من غير CV ولا تفاصيل!

    2. ناس بتعرف HTML/CSS بس، ومقدمين على بوزيشن Senior!

    3. نسخ ولصق لمتطلبات من الـ AI من غير ما يقروا أصلاً أنا طالب إيه.

    4. استهتار بمرحلة الـ Technical Screening وحجم القرارات التقنية.

    5. استخدام الـ AI للرد على الأسئلة Live، وطبعاً الـ Detector كشفهم!

    6. النتيجة؟ من 300 شخص، طلعنا بـ CV واحد بس بيحقق 70% من المتطلبات.

    يا جماعة، العشوائية دي بتستهلك موارد الـ Recruitment وبتضيعوا فرص غيركم. ركزوا وذاكروا كويس قبل ما تقدموا في أي حاجة.

    حبيت أوريك الوجه التاني عشان مش الشركات دايماً وحشة! 🤝

    software_engineering

    مفيدة · 5 تعليق فتح النصيحة
  12. Mahmoud Adel مرشد قائد-تقني في هندسة البرمجيات @Foodics ·

    كان معايا جلسة إستشارة من دقائق معدودة لـ شخص رائع اشتغل في مجال الـ Software لمدة طويلة جداً ولكن كلها في Software Houses ومشاريع فريلانس .

    والمشكلة هنا ان مشاريع الفريلانس والـ Software House نادراً ما بيتم حسابها كـ خبرة عند الشركات الـ كبيرة او الـ مُحترمة

    الشركات نوعين

    1- الـ بتعتمد علي برودكت او المُنتج زي طلبات و فودكس و Koinz وشركات تانيه كتير ودي بتكون افضل وبتميل للـ Engineering اكتر

    2- السوفتوير هاوس ودول مبيفرقش معاهم الا الـ Scalability والـ Capacity وكمية المشاريع الـ بتطلع علشان يوفوا عدد العملاء الكبير ومبيهتموش بالـ Engineering بشكل صريح

    3- فريلانس او العمل الحُر وده بيعتمد علي عميل الـ قدامك والبيئة الـ بيوفرهالك للشغل واغلبها مفيش Hierarchy واضحه او حد بيشرف عليك بشكل مُباشر فـ تعرف مشاكلك فين

    وهنا انت المطلوب منك تملئ الفراغ - Gap بين معرفتك بالتكنلوجي الـ بتخليك تعمل اي مشروع

    وبين احتياجك للمبادئ والمفاهيم الهندسية الـ المفروض تأهلك لسوق العمل في شركات الـ Product Base


    بدأنا البلان بتاعتنا ازاي ؟ :-

    الاول محتاجين نحدد نقاط الضعف والـ محتاجينها كويس

    1. بدأنا ندرس الـ HLD , LLD وناخد تاسك علي كل واحده فيهم
      1. بداية من الـ Api Versioning والـ Component Coupling / Uncoupling وغيرها
      2. والـ Request Flow والـ Software Quality
    2. ولإنه عارف Database كويس بس مش مُتعمق في الـ Indexing والـ Lock والـ Optimization Queries
      1. خدنا الـ Relational DB SQL بشكل مُتعمق
      2. وهنعدي علي Non Relational مرور الكرام لإننا مش هنحتاجها للهدف بتاعه
    3. وقررنا اننا نفهم الـ Agile ( Scrum ) لإنه علشان يشتغل في شركة
      1. محتاج يعرف كويس الـ Story Points بتتحط ازاي
      2. ومحتاج يتأكد انه فاهم الـ Scrum Manifesto
    مفيدة · 2 تعليق فتح النصيحة