From mentors who do this for a living

Career Coaching tips from mentors

Short, practical advice from the mentors on this platform, with the resources behind it. Vote up what helped you and follow the mentors you learn from.

Tips
30
Mentors sharing
7
Helpful votes
147
  1. mostafa mohamed abdalla Mentor Senior Frontend Engineer ·

    سنة 1865، الاقتصادي William Stanley Jevons لاحظ حاجة مثيرة للاهتمام.

    لما كفاءة استخدام الفحم اتحسنت، الناس ماقللتش استهلاكها بالضرورة. بالعكس، انخفاض تكلفة الطاقة خلّى استخدامها في صناعات وتطبيقات أكتر مجدي اقتصاديًا.

    الفكرة دي اتعرفت بعد كده باسم Jevons Paradox.

    لما تكلفة حاجة بتقل، مش شرط نستخدم منها أقل. أحيانًا بنبدأ نستخدمها في حاجات ماكنّاش نقدر نبرر تكلفتها قبل كده.

    بص على اللي حصل مع Cloud.

    البنية التحتية بقت أسهل في التوفير والتوسع، وده ساعد الشركات تبني أنظمة وخدمات أكتر، ومع زيادة التعقيد ظهرت احتياجات أكبر للأتمتة والاعتمادية ومراقبة الأنظمة.

    ودلوقتي، إحنا قدام تحول مشابه محتمل في صناعة الـ Software.

    AI بيقلل تكلفة تنفيذ أجزاء كبيرة من عملية التطوير، وده ممكن يخلي شركات أكتر تجرب أفكار جديدة، وتبني أدوات داخلية، وتوسّع منتجاتها.

    بس كل ما قدرتك على إنتاج الكود تزيد، بيظهر سؤال أهم:

    مين هيحدد إحنا محتاجين نبني إيه أصلًا؟ ومين هيتأكد إن اللي بنبنيه صح، قابل للصيانة، ويستحمل التوسع؟

    المستقبل مش مجرد إنك تعرف تكتب كود أسرع. المستقبل إنك تفهم إزاي تبني Software صح.

    وده جزء أساسي من اللي بحاول أساعد الناس تفهمه في المينتورشب.

    مش مجرد إنك تتعلم React أو Next.js أكتر، لكن إنك تطور طريقة تفكيرك، وتفهم القرارات الهندسية اللي ورا الكود، وتعرف تتعامل مع المشاكل اللي مفيش Tutorial جاهز يحلها.

    وبفضل الله، من أكتر الحاجات اللي بتسعدني إني أشوف ناس بدأت تغيّر طريقة تفكيرها، وتفهم شغلها بشكل أعمق، وتقدر تتعامل مع مشاكل أكبر باستقلالية.

    وده مش معناه إن عندي كل الإجابات، لكن معناه إن الفهم الصح وطريقة التفكير بيفرقوا فعلًا.

    السؤال مش بس: هل اAI هيكتب كود أكتر؟

    السؤال: هل أنت بتبني خبرتك عشان تكتب الكود، ولا عشان تفهم الـ Software اللي بتبنيه؟

    Helpful · 1 Comment Open tip
  2. Mahmoud Adel Mentor Software Tech-Lead @Foodics ·

    كنت في ميتنج الصبح مع Talent Partner Acquisition

    وبيتكلموا ان في حاجه اسمها Unlimited Contract في مصر ودي عقود عقد عمل مفتوح لا يحتوي على تاريخ انتهاء محدد، ويستمر بين الطرفين حتى يقرر أحدهما إنهاءه وفقاً للقواعد القانونية

    وقد ايه هو حاجه Stable جداً , وعلشان كده هم مبيحبوش يدوا موظفين الـ Tech العقد ده الا بعد ما الـ Product يطلع ويتأكدوا انه تمام , وكـ نوع من الـ سُخريه يعني بيقولوا :

    ان الشركة مطلبتش منهم حاجه زي كده بس هُم الـ بيشرحوا ده كـ نوع من الـ Success Partner

    علي حساب الـ Talents او الموظفين الـ هيعينوهم علشان لو حسوا بـ Stability مستحيل يطلعوا الـ Product في الميعاد بتاعه او الديد-لاين , وعلي حد كلامهم بيحبوا يعملوا ده تحديداً مع المصرين

    وان لو اي جنسية تانيه بيكملوا معاهم في الـ Unlimited Contract عادي جداً

    والكلام ده في شركة كبيرة في مجال الإتصلات والشبكات تحديداً

    ولم حاولت اتكلم معاهم قالولي :

    • من الناحية القانونية: قانون العمل يمنح الشركة الحرية في تحديد نوع العقد (محدد أو غير محدد) عند بداية التعاقد، طالما يلتزم بالحد الأدنى للحقوق (تأمينات، إجازات، أجور).
    • من الناحية التنظيمية: لا توجد جهة رقابية تفرض على الشركة تقديم عقد غير محدد المدة لمهندس وتوفير عقد محدد لآخر، طالما أن الموظف وافق ووقع على العقد عند الانضمام.

    علي قد ما انا فعلاً زعلان وغضبان من الكلام ده إلا اني حابب اعرف رأيكم ؟

    Helpful · 1 1 comment Open tip
  3. Mahmoud Adel Mentor Software Tech-Lead @Foodics ·

    ايه انواع الكراسي الـ فعلاً ريحتكم وكانت مناسبة للشغل بين 6 لـ 12 ساعة ؟
    انا عن نفسي جربت

    1. الـ Tree Chair
    2. والـ Emerald Chair

    وعلي مدار 3 سنين كنت مرتاح بصراحه ولكن الجزء السُفلي بيهبط مع الوقت

    حد عنده تجارب ؟

    Helpful · 2 3 comments Open tip
  4. Mohamad Abuzaid Mentor Team Lead & Technical Instructor | Specialist in Android & KMP ·

    وجودك على LinkedIn لم يعد رفاهية اذا كنت لا تزال تبحث عن فرص عمل. السيرة الذاتية (CV) القوية وصفحة GitHub قوية قد يدفنان بلا أي زيارة أو ملاحظة من جهات التوظيف اذا لم تقم انت بنفسك بالتسويق لنفسك وعملك وخبرتك. كثير من أصحاب المهارات والخبرات لا يتم ملاحظتهم لأنهم اكتفوا بالعمل دون السعى لنشر وتسويق جهدهم أمام الجميع.
    يجب أن يكون لك نشاط اسبوعي على LinkedIn وقم بعمل mention للمؤثرين في دائرتك حتى يتم التعرف عليك وستلاحظ تحسنا ملحوظا في معدل الفرص المتاحة أمامك..

    Helpful · 1 2 comments Open tip
  5. Mahmoud Adel Mentor Software Tech-Lead @Foodics ·

    دخل معايا شخص عبقري تم إستغلاله من الشركات

    في جلسة الإستشارة عرفت إنه مر بمراحل كتيرة جداً في الكارير بتاعه تخليه يحس انه Senior لإنه

    1. تفوق في مشروع الجامعه
    2. تفوق في الـ ITI ومنحة مصر الرقمية
    3. تفوق في التعامل مع الناس وطريقة الكلام واكتسب Soft Skills رهيبه

    وده الـ خلاه يتعرض للإستغلال المهني , وده بيكون بسبب شخص موجود في الأغلب بكل مكان لم بيشوف طالب شاطر بيبقي عايز يرشحه لشركة مُعينه بهدف انه يكتسب خبرة وانه يشتغل .

    ولإن الطالب بيكون نفسه جداً في الفرصة دي بيوافق بمبلغ زهيد جداً

    وبيلاقي نفسه في شركة ملهاش هيكل إداري ولا للفريق

    مُعتمدين عليه في كل حاجه

    مبياخدش فلوس كفايه مُقابل الـ هو بيقدمه

    علشان كده هديك نصيحة النهارده ( مش كل تدريب هو فرصة )


    اي تدريب او فرصة توظيف لازم تسأل قبلها المسئول عن ( هيكل الترقيات /Staff Movement )

    فيما معناه , انا بعد فترة طويلة هكون ايه ؟

    هل هفضل زي ما انا متدرب

    هل هفضل جنيور و تستغلوني براحتكم ؟

    هل مُرتبي هيزيد ؟

    ممكن تشوف ان ده في البداية Redflag وتبقي خايف انهم ميقبلوش بيك

    ولكن صدقني الـ هيحصلك بعدها بسبب موافقتك علي شركة انت متعرفش هيكلها الداخل عامل ازاي هيكون اسوء من انك تقعد من غير شغل او من غير تدريب , لإنك هتلاقي نفسك في الاخر حاطت في ال ـCV انك 3 سنين خبرة وفي الحقيقه متقدرش تحسب انك سنة واحده حتي بسبب الـ هم عملوه فيك.

    Helpful · 17 4 comments Open tip
  6. Mahmoud Adel Mentor Software Tech-Lead @Foodics ·

    لو معاك قرشين زيادة وشغال من البيت، دي شوية "رفاهيات مهمة" لو جربتها هتفرق جداً في صحتك النفسية والجسدية وإنتاجيتك:

    1- مسند الماوس والكيبورد: مخدة صغيرة بتتحط تحت إيدك بتحمي عروقك جداً

    2- كيبورد ميكانيكال (Blue Switch): صوته عالي شوية، بس ممتع جداً في الكتابة وكأن الزراير بتنطرك للي بعده، ومريح جداً في الشغل الطويل.

    3- كرسي طبي: بلاش كراسي الجيمنج، وهات كرسي ثلاثي الدعامات داعم للرقبة، وأهم حاجة مساند إيده تتحرك مع كوعك.

    4- إضاءة الشاشة (Monitor Light): بتنور مكتبك من غير ما تنور الأوضة كلها، مريحة للعين وبتدي شكل رهيب للسيتاب.

    5- حامل الشاشات (Arms): بيرفع الشاشات لمستوى نظرك عشان تحافظ على رقبتك من الوجع وماتضطرش تروح تتعالج.

    6- حامل الموبايل: بيخلي الفون قدام عينك وبيشحن، من غير كركبة أسلاك وعلشان تشوف النوتيفيكيشنز براحتك.

    7- شاشة بالطول (Vertical): ممتازة للمبرمجين في قراءة الكود براحة وسرعة، وممكن تجيبها استيراد بسعر رخيص. 8- الـ Pegboard: لوح تخريم بيتعلق على الحيطة عشان تعلق عليه السماعة، الكاميرا وأدواتك، بينظم الدنيا وشكله شيك.

    10- قاعدة المجات الذكية: بتحافظ على قهوتك سخنة أو مشروبك ساقع وانت شغال.

    11- حامل لابتوب: حامل بيطلع وينزل معاك وبيبرد اللاب في نفس الوقت.

    أما لو عايز تدلع نفسك عـ الآخر، هات جهاز مساج لرقبتك ودفاية لرجلك تعمل مساج وتدفيك!

    Helpful · 12 4 comments Open tip