All tips

Mentor Tips

Tips from Mahmoud Adel

Software Tech-Lead @Foodics

Tips
13
Helpful votes
88
Followers
73
  1. Mahmoud Adel Mentor Software Tech-Lead @Foodics ·

    لو معاك قرشين زيادة وشغال من البيت، دي شوية "رفاهيات مهمة" لو جربتها هتفرق جداً في صحتك النفسية والجسدية وإنتاجيتك:

    1- مسند الماوس والكيبورد: مخدة صغيرة بتتحط تحت إيدك بتحمي عروقك جداً

    2- كيبورد ميكانيكال (Blue Switch): صوته عالي شوية، بس ممتع جداً في الكتابة وكأن الزراير بتنطرك للي بعده، ومريح جداً في الشغل الطويل.

    3- كرسي طبي: بلاش كراسي الجيمنج، وهات كرسي ثلاثي الدعامات داعم للرقبة، وأهم حاجة مساند إيده تتحرك مع كوعك.

    4- إضاءة الشاشة (Monitor Light): بتنور مكتبك من غير ما تنور الأوضة كلها، مريحة للعين وبتدي شكل رهيب للسيتاب.

    5- حامل الشاشات (Arms): بيرفع الشاشات لمستوى نظرك عشان تحافظ على رقبتك من الوجع وماتضطرش تروح تتعالج.

    6- حامل الموبايل: بيخلي الفون قدام عينك وبيشحن، من غير كركبة أسلاك وعلشان تشوف النوتيفيكيشنز براحتك.

    7- شاشة بالطول (Vertical): ممتازة للمبرمجين في قراءة الكود براحة وسرعة، وممكن تجيبها استيراد بسعر رخيص. 8- الـ Pegboard: لوح تخريم بيتعلق على الحيطة عشان تعلق عليه السماعة، الكاميرا وأدواتك، بينظم الدنيا وشكله شيك.

    10- قاعدة المجات الذكية: بتحافظ على قهوتك سخنة أو مشروبك ساقع وانت شغال.

    11- حامل لابتوب: حامل بيطلع وينزل معاك وبيبرد اللاب في نفس الوقت.

    أما لو عايز تدلع نفسك عـ الآخر، هات جهاز مساج لرقبتك ودفاية لرجلك تعمل مساج وتدفيك!

    Helpful · 12 4 comments Open tip