من مرشدين يعملون في هذا المجال

نصائح المرشدين

نصائح قصيرة وعملية من مرشدي المنصة مع المصادر التي تستند إليها. صوّت لما أفادك وتابع المرشدين الذين تتعلم منهم.

نصيحة
30
مرشد يشارك
7
تصويت مفيد
147
  1. Ahmed M. Zanaty مرشد Senior Software Engineer · عمل حر ·

    عارف الفرق بين ReactJS و NextJS؟
    عارف بجد .. ولا عامل نفسك عارف ..!!


    تعالى اقولك على نقطة واحدة بس ..

    ✅ الـ ReactJS هي مكتبة js بتستخدم في الـ development .. ولما بتخلص dev بتعمل build .. وتطلع ملفات (html + css + js + assets) حقيقة تقدر تعمل ليهم host على اي server براحتك من غير ما تاخد معاك react ع السيرفر اصلا ..
    اقولك ع الكبيرة كمان .. تقدر تشغل الـ build بتاع react على github pages مجانا ..
    يعني من الآخر هي مجرد ملفات .. واحنا محتاجين سيرفر يبعتها للشخص اللي يطلبها .. وهي هتتـ render في المتصفح عادي جدا ..
    يعني مش محتاجين running process على server علشان نشغل react app ..


    ✅ اما الـ NextJS .. فهي مكتبة بتفضل مكملة معاك حتى بعد الـ development وبتفضل ماسكة المشروع في الـ production وهو live .. لانها بتعمل running process على السيرفر .. يستقبل هو الـ requests ويشوف كل request عايز ايه .. وبناءا عليه يرد ..
    وبالتالي .. ممكن يكون الـ request دا api request عادي مش frontend .. ومن حق NextJS انها تقفله بـ auth الأول بحيث مش كل الناس تقدر توصله .. وكمان تقدر جدا انها تقرأ بنفسها الـ database او تكتب عليها مع كل request عادي ..
    ودا يا سيدي اللي خلى NextJS تكون full-stack framework على عكس ReactJS ..
    يعني NextJS مطلعتش مجرد مكتبة بتخلي ReactJS تبقا احسن مع الـ SEO وبس .. شوفت بقا ..


    لو عجبك الكلام .. اضغط على الـ Helpful button اللي تحت هنا ..
    ولو عندك اي استفسار .. اكتب comment هنا ..
    او تعالى ندخل سيشن mentorship ندردش سوا في الاسئلة بتاعتك ..

    مفيدة · 5 تعليق واحد فتح النصيحة
  2. Ahmed M. Zanaty مرشد Senior Software Engineer · عمل حر ·

    دخل معايا مهندس برمجة و hardware ..
    عامل قناة يوتيوب بيشرح فيها حاجات في مجال الـ hardware ..

    الطلاب عايزين يجربوا وراه طبعا .. فعايزين يشتروا الادوات ومش عارفين يشتروها منين ..

    فهو قرر يعمل موقع ليهم يبيع فيه الادوات دي .. بس مش عايز يصعب الموضوع ويعمل database و backend و server apps وكلام من دا .. هو عايز حاجه functional ..

    • روحنا جبنا صورة UI عجبته لمتجر من pinterest ..
    • وفتحنا claude code على الجهاز .. وكتبنا ليه prompt منظم ومرتب .. انه يبني الموقع بنظام معين فرونت بس ..
    • وخلينا الداتا تكون ملف مستقل علشان يقدر يعدل عليه بسهولة في اي وقت ..
    • وخلينا الناس تضيف منتجات للـ cart بسهولة وتتحفظ ف الـ local storage عندهم ..
    • ووقت الـ checkout عملنا button بيفتح whatsapp link في message منظمه بالـ order .. العميل يبعتها علطول ..
    • ورفعنا الكلام الجميل دا على github ..
    • وعملنا ليه deploy على vercel ..

    اهو http://ghannam-pearl.vercel.app

    علمته ازاي يعمل حاجه functional تؤدي المهمة اللي هو عايزها في 10 دقايق ..

    وقالي بكل وضوح .. لو لقيت بيجيلي منه orders كويسه وبدأ يكسب .. وقتها هبدأ احوله لـ product حقيقي بالـ backend والـ database بتاعته ..

    مش لازم يبدأ بحاجه سوبر واو .. هو مستعجل .. ومش معاه ميزانية .. وعايز يشوف الموضوع هيجيب همه ولا لا الأول .. فكان دا الحل اللي وصلنا ليه معاه ..

    ايه رأيك .. تتفق مع الـ approuch دا ولا لا ؟

    مفيدة · 3 2 تعليقات فتح النصيحة
  3. Mahmoud Adel مرشد قائد-تقني في هندسة البرمجيات @Foodics ·

    زي ما دايماً بنتقد الشركات في الـ Hiring، تعالوا نشوف "العالم المُظلم" من الناحية التانية!

    اتطلب مني أرشح حد لبوزيشن Fullstack Generative AI Engineer (Senior) في شركة محترمة.

    جربت معارفي الأول وبعدين نزلت بوست بمتطلبات واضحة جداً وتشيك بوكس لكل مهارة.

    واللي حصل من 300 مقدم كان عبث حقيقي:

    1. ناس بتقدم من غير CV ولا تفاصيل!

    2. ناس بتعرف HTML/CSS بس، ومقدمين على بوزيشن Senior!

    3. نسخ ولصق لمتطلبات من الـ AI من غير ما يقروا أصلاً أنا طالب إيه.

    4. استهتار بمرحلة الـ Technical Screening وحجم القرارات التقنية.

    5. استخدام الـ AI للرد على الأسئلة Live، وطبعاً الـ Detector كشفهم!

    6. النتيجة؟ من 300 شخص، طلعنا بـ CV واحد بس بيحقق 70% من المتطلبات.

    يا جماعة، العشوائية دي بتستهلك موارد الـ Recruitment وبتضيعوا فرص غيركم. ركزوا وذاكروا كويس قبل ما تقدموا في أي حاجة.

    حبيت أوريك الوجه التاني عشان مش الشركات دايماً وحشة! 🤝

    software_engineering

    مفيدة · 5 تعليق فتح النصيحة
  4. Amera Amr مرشد Senior backend developer @Innovitics inc ·

    نصيحة لأي حد لسه بيبدأ طريقه في المجال: 💡

    لو داخل المجال وكل تركيزك على الفلوس، هتلاقي نفسك بترفض فرص كتير جداً لمجرد إن العائد المادي مش أحسن حاجة.. وده فخ كبير وأكبر غلطة ممكن تعملها في بدايتك.

    لو بتدور على الفلوس السريعة، ممكن تشتغل "سيلز"، الفلوس هناك حلوة وبتيجي أسرع :)

    لكن في مجالنا، الاستثمار الحقيقي في البداية لازم يكون في "الخبرة" (Experience). وإنت بتقيم أي أوفر، ركز في النقط دي:
    ✅ الشركة دي هتضيفلي تكنيكال ولا لأ؟
    ✅ هل هتعلم فيها وأحتك بمشاكل حقيقية ولا لا؟
    ✅ هل الشركه دي هتخليني من مجرد حد بيخلص تاسكات لمهندس تقيل فاهم هو بيعمل إيه ولا لا؟

    ابني خبرتك الأول، ولما توصل لمرحلة إنك "بروفيشنال"، ساعتها بس هتقدر تطلب الرقم اللي إنت عايزه والشركات هي اللي هتدور عليك.

    مفيدة · 1 تعليق واحد فتح النصيحة
  5. Mahmoud Adel مرشد قائد-تقني في هندسة البرمجيات @Foodics ·

    كان معايا جلسة إستشارة من دقائق معدودة لـ شخص رائع اشتغل في مجال الـ Software لمدة طويلة جداً ولكن كلها في Software Houses ومشاريع فريلانس .

    والمشكلة هنا ان مشاريع الفريلانس والـ Software House نادراً ما بيتم حسابها كـ خبرة عند الشركات الـ كبيرة او الـ مُحترمة

    الشركات نوعين

    1- الـ بتعتمد علي برودكت او المُنتج زي طلبات و فودكس و Koinz وشركات تانيه كتير ودي بتكون افضل وبتميل للـ Engineering اكتر

    2- السوفتوير هاوس ودول مبيفرقش معاهم الا الـ Scalability والـ Capacity وكمية المشاريع الـ بتطلع علشان يوفوا عدد العملاء الكبير ومبيهتموش بالـ Engineering بشكل صريح

    3- فريلانس او العمل الحُر وده بيعتمد علي عميل الـ قدامك والبيئة الـ بيوفرهالك للشغل واغلبها مفيش Hierarchy واضحه او حد بيشرف عليك بشكل مُباشر فـ تعرف مشاكلك فين

    وهنا انت المطلوب منك تملئ الفراغ - Gap بين معرفتك بالتكنلوجي الـ بتخليك تعمل اي مشروع

    وبين احتياجك للمبادئ والمفاهيم الهندسية الـ المفروض تأهلك لسوق العمل في شركات الـ Product Base


    بدأنا البلان بتاعتنا ازاي ؟ :-

    الاول محتاجين نحدد نقاط الضعف والـ محتاجينها كويس

    1. بدأنا ندرس الـ HLD , LLD وناخد تاسك علي كل واحده فيهم
      1. بداية من الـ Api Versioning والـ Component Coupling / Uncoupling وغيرها
      2. والـ Request Flow والـ Software Quality
    2. ولإنه عارف Database كويس بس مش مُتعمق في الـ Indexing والـ Lock والـ Optimization Queries
      1. خدنا الـ Relational DB SQL بشكل مُتعمق
      2. وهنعدي علي Non Relational مرور الكرام لإننا مش هنحتاجها للهدف بتاعه
    3. وقررنا اننا نفهم الـ Agile ( Scrum ) لإنه علشان يشتغل في شركة
      1. محتاج يعرف كويس الـ Story Points بتتحط ازاي
      2. ومحتاج يتأكد انه فاهم الـ Scrum Manifesto
    مفيدة · 2 تعليق فتح النصيحة
  6. mostafa mohamed abdalla مرشد Senior Frontend Engineer ·

    سنة 1865، الاقتصادي William Stanley Jevons لاحظ حاجة مثيرة للاهتمام.

    لما كفاءة استخدام الفحم اتحسنت، الناس ماقللتش استهلاكها بالضرورة. بالعكس، انخفاض تكلفة الطاقة خلّى استخدامها في صناعات وتطبيقات أكتر مجدي اقتصاديًا.

    الفكرة دي اتعرفت بعد كده باسم Jevons Paradox.

    لما تكلفة حاجة بتقل، مش شرط نستخدم منها أقل. أحيانًا بنبدأ نستخدمها في حاجات ماكنّاش نقدر نبرر تكلفتها قبل كده.

    بص على اللي حصل مع Cloud.

    البنية التحتية بقت أسهل في التوفير والتوسع، وده ساعد الشركات تبني أنظمة وخدمات أكتر، ومع زيادة التعقيد ظهرت احتياجات أكبر للأتمتة والاعتمادية ومراقبة الأنظمة.

    ودلوقتي، إحنا قدام تحول مشابه محتمل في صناعة الـ Software.

    AI بيقلل تكلفة تنفيذ أجزاء كبيرة من عملية التطوير، وده ممكن يخلي شركات أكتر تجرب أفكار جديدة، وتبني أدوات داخلية، وتوسّع منتجاتها.

    بس كل ما قدرتك على إنتاج الكود تزيد، بيظهر سؤال أهم:

    مين هيحدد إحنا محتاجين نبني إيه أصلًا؟ ومين هيتأكد إن اللي بنبنيه صح، قابل للصيانة، ويستحمل التوسع؟

    المستقبل مش مجرد إنك تعرف تكتب كود أسرع. المستقبل إنك تفهم إزاي تبني Software صح.

    وده جزء أساسي من اللي بحاول أساعد الناس تفهمه في المينتورشب.

    مش مجرد إنك تتعلم React أو Next.js أكتر، لكن إنك تطور طريقة تفكيرك، وتفهم القرارات الهندسية اللي ورا الكود، وتعرف تتعامل مع المشاكل اللي مفيش Tutorial جاهز يحلها.

    وبفضل الله، من أكتر الحاجات اللي بتسعدني إني أشوف ناس بدأت تغيّر طريقة تفكيرها، وتفهم شغلها بشكل أعمق، وتقدر تتعامل مع مشاكل أكبر باستقلالية.

    وده مش معناه إن عندي كل الإجابات، لكن معناه إن الفهم الصح وطريقة التفكير بيفرقوا فعلًا.

    السؤال مش بس: هل اAI هيكتب كود أكتر؟

    السؤال: هل أنت بتبني خبرتك عشان تكتب الكود، ولا عشان تفهم الـ Software اللي بتبنيه؟

    مفيدة · 1 تعليق فتح النصيحة
  7. mostafa mohamed abdalla مرشد Senior Frontend Engineer ·

    طلع عينك عشان تكتب skeleton بإيدك وبقيت لازم انك تغيرت كل لما تغير design ؟

    بتعمله يطابق الكارت، وبعد 6 شهور الكارت يتغير (badge، سطر، avatar أكبر) والـ skeleton لأ.. فالصفحة بتقفز لما الداتا توصل.

    في react-loadly 3.1 عملت Skeletonize: بتلف الـ component الحقيقي، وهو بيتحول لـ skeleton بنفسه.

    مفيدة · 1 تعليق فتح النصيحة
  8. mostafa mohamed abdalla مرشد Senior Frontend Engineer ·

    إزاي صفحة Next توصل فورا وجواها بيانات خاصة بالمستخدم؟

    زمان كان قدامك اختيارين: صفحة Static سريعة بس مفيهاش حاجة تخص المستخدم، أو صفحة Dynamic فيها كل حاجة بس بتستنى السيرفر.

    الـ Partial Prerendering بتدّيك الاتنين في صفحة واحدة.

    وقت الـ Build، Next بتعدّي على شجرة الـ Components وتقرر مصير كل حتة:
    \

    • حاجة متخزنة بـ use cache، أو حاجة ثابتة (imports، قراءة ملف محلي، حسابات بحتة): بتدخل الـ Static Shell.\
    • حاجة جوه Suspense: الـ Fallback بس هو اللي بيدخل الـ Shell، والمحتوى الحقيقي بييجي وقت الطلب.

      الـ Shell ده HTML بيتخدم من الـ CDN مباشرة، ومعاه RSC Payload للتنقل جوه الموقع. يعني أول محتوى بيوصل من غير ما السيرفر الأصلي يتحرك.

      والتفصيلة اللي بتفرق: كل ما كانت الحاجة اللي بتستنى الـ Request أعمق في الشجرة، كل ما الـ Shell بتاعك أكبر.

      مثال: لو الـ Layout قرا الـ params في أول سطر، الـ Layout كله بقى بيستنى الـ Request ومش هيدخل الـ Shell. لو نقلت القراءة جوه Component صغير ملفوف في Suspense، الباقي كله بيدخل الـ Shell.

      ولو الـ params مجهولة وقت الـ Build، بيطلع App Shell مشترك، وبعد أول زيارة بيتحدث للنسخة الكاملة (ISR).

      سؤال: Component بتاعك بيقرا الـ Request فين في الشجرة؟
    مفيدة · 1 تعليق واحد فتح النصيحة
  9. Mahmoud Adel مرشد قائد-تقني في هندسة البرمجيات @Foodics ·

    كنت في ميتنج الصبح مع Talent Partner Acquisition

    وبيتكلموا ان في حاجه اسمها Unlimited Contract في مصر ودي عقود عقد عمل مفتوح لا يحتوي على تاريخ انتهاء محدد، ويستمر بين الطرفين حتى يقرر أحدهما إنهاءه وفقاً للقواعد القانونية

    وقد ايه هو حاجه Stable جداً , وعلشان كده هم مبيحبوش يدوا موظفين الـ Tech العقد ده الا بعد ما الـ Product يطلع ويتأكدوا انه تمام , وكـ نوع من الـ سُخريه يعني بيقولوا :

    ان الشركة مطلبتش منهم حاجه زي كده بس هُم الـ بيشرحوا ده كـ نوع من الـ Success Partner

    علي حساب الـ Talents او الموظفين الـ هيعينوهم علشان لو حسوا بـ Stability مستحيل يطلعوا الـ Product في الميعاد بتاعه او الديد-لاين , وعلي حد كلامهم بيحبوا يعملوا ده تحديداً مع المصرين

    وان لو اي جنسية تانيه بيكملوا معاهم في الـ Unlimited Contract عادي جداً

    والكلام ده في شركة كبيرة في مجال الإتصلات والشبكات تحديداً

    ولم حاولت اتكلم معاهم قالولي :

    • من الناحية القانونية: قانون العمل يمنح الشركة الحرية في تحديد نوع العقد (محدد أو غير محدد) عند بداية التعاقد، طالما يلتزم بالحد الأدنى للحقوق (تأمينات، إجازات، أجور).
    • من الناحية التنظيمية: لا توجد جهة رقابية تفرض على الشركة تقديم عقد غير محدد المدة لمهندس وتوفير عقد محدد لآخر، طالما أن الموظف وافق ووقع على العقد عند الانضمام.

    علي قد ما انا فعلاً زعلان وغضبان من الكلام ده إلا اني حابب اعرف رأيكم ؟

    مفيدة · 1 تعليق واحد فتح النصيحة
  10. Mahmoud Adel مرشد قائد-تقني في هندسة البرمجيات @Foodics ·

    ايه انواع الكراسي الـ فعلاً ريحتكم وكانت مناسبة للشغل بين 6 لـ 12 ساعة ؟
    انا عن نفسي جربت

    1. الـ Tree Chair
    2. والـ Emerald Chair

    وعلي مدار 3 سنين كنت مرتاح بصراحه ولكن الجزء السُفلي بيهبط مع الوقت

    حد عنده تجارب ؟

    مفيدة · 2 3 تعليقات فتح النصيحة
  11. mostafa mohamed abdalla مرشد Senior Frontend Engineer · · معدّلة

    ليه بنحس إن تطبيقات زي Stripe و Apple و Linear منتجات بملايين الدولارات، بينما أغلب تطبيقات الSaaS والEnterprise بتبان عادية؟

    خلال شغلي السنين اللي فاتت على أنظمة ضخمة، ك Senior software engineer كنت دايماً مهتم جدا بتجربة المستخدم (UX). بنهتم بالألوان والأنيميشن والتصميم، لكن دايماً كان فيه حلقة مفقودة.

    المستخدم لما يعمل اي action زي انه يضغط save , or delete أو ينفذ عملية دفع، بيضطر يفضل باصص ومستني التنبيه يظهر. في حين إن المنتجات العالمية بتعتمد على Multi-Sensory Feedback — نغمة رنين خفيفة جداً بتأكد لك النجاح في أجزاء من الثانية.

    بس المشكلة: ليه أغلبنا Developers بنتجنب إضافة أصوات؟ عشان صداع ملفات MP3، وحجم التحميل، وبطء استجابة الشبكة (Latency)، ومشاكل SSR في Next.js.


    عشان كده قررت أحل الموضوع ده ونشرت مكتبة مفتوحة المصدر بالكامل: Tonely شغال عليها بقالي فتره ولاكن جه الوقت تطلع للنور.. إيه فكرتها؟

    Zero Audio Files: مفيش ولا ملف صوتي واحد! كل النغمات بتتولد برمجياً ولحظياً داخل المتصفح (Web Audio API).
    سرعة فائقة (Zero Latency): الصوت بينطلق في أقل من 1ms بدون أي Network Requests.
    حجم لا يذكر: حجم الحزمة بالكامل أقل من 1.5 KB — أصغر من أيقونة SVG عادية!


    جاهزة لModern Web: متوافقة 100% مع Next.js (SSR-safe) و React و Vue وأي إطار عمل، مع نغمات جاهزة ومدروسة لحالات Success وError والتفاعلات اليومية.

    مفيدة · 2 تعليق فتح النصيحة
  12. Mousa Mohamed مرشد مُعلم قرأن كريم ·

    تخيّل إنك بتصلي كل يوم، وبتقرأ سورة الفاتحة في كل ركعة، لكنك ممكن تكون بتنطق بعض آياتها بطريقة غير صحيحة دون أن تدري!

    السلـامُ عليكُم ورحمةُ الله وبركاتُه

    سورة الفاتحة مش مجرد سورة بنقرأها في الصلاة، دي أعظم سورة في القرآن، وقراءتها ركن من أركان الصلاة لا تصح الركعة بدونها عند جمهور أهل العلم.

    تخيّل إنك بتكرر السورة دي عشرات المرات يوميًا، فكم من الأجر والخير ينتظرك لو أتقنت قراءتها؟!

    وكم هو عظيم أن تقف بين يدي الله عز وجل، تتلو كلامه بحروفه الصحيحة، وتؤدي كل كلمة كما ينبغي أن تُقرأ.

    إتقان الفاتحة مش رفاهية، ولا أمرًا نؤجله لبعدين؛ دي من أهم الخطوات اللي لازم نحرص عليها في رحلتنا مع القرآن.

    فلا تكتفِ بأنك تحفظها، بل احرص على أن تقرأها قراءة صحيحة، وتعلّم مخارج حروفها، واضبط حركاتها، وتعلّم أحكامها.

    وإن كنت تجد صعوبة في القراءة الصحيحة، أو تريد أن تتقن تلاوتك وتحفظ القرآن على الوجه الصحيح، فابدأ من الآن، ولا تؤجل خطوة قد تُحدث فرقًا كبيرًا في صلاتك وعلاقتك بكتاب الله.

    يسعدنا أن نرافقك في رحلتك مع القرآن، ونقدم لك جلسة مجانية لتصحيح التلاوة والتعرّف على مستواك، ونساعدك على تعلّم القراءة الصحيحة والإتقان بإذن الله.

    احجز جلستك المجانية، واجعل أولى خطواتك نحو تلاوةٍ صحيحةٍ متقنة لكتاب الله.

    مفيدة · 2 تعليق واحد فتح النصيحة