وجودك على LinkedIn لم يعد رفاهية اذا كنت لا تزال تبحث عن فرص عمل. السيرة الذاتية (CV) القوية وصفحة GitHub قوية...

حقيقي فعلا.. الطالب والـJunior هيبقى عليهم مجهود مضاعف لأنه كتير من الشركات أو أغلبهم ما بيعينوش Juniors أساسًا. بس أنا شايف إن العملية بالنسبة لهم هتبقى محتاجة صبر وجهد متواصل وما يزهقش. كتير بيزهقوا بعد أسبوعين ويحس إن الموضوع مش جايب فايدة ويبطل. بس الموضوع فعلاً محتاج استمرارية. تاني حاجة هو محتاج يشتغل على مشاريع خاصة بيه، حتى لو مع نفسه في البيت، بس يبعد عن المشاريع المعروفة زي الـTravel app ولا Notes ولا الكلام ده، لأن الـAI بقى يقدر يعملها بسهولة. وأهم حاجة في المشروع إنه يبين ليه هو عمل المشروع ده؟، إيه المشكلة اللي هو بيحاول يحلها؟، وكمان يشرح المشاكل أو العقبات اللي واجهته في المشروع ده. حاجة في الـperformance، حاجة في الـdata fetching مثلاً، ويحطها في الـREADME بتاع الـGitHub. الموضوع ده بيفرق جدًا عند الـrecruiters إن هم يلاقوا واحد بيحاول يحل مشكلة حقيقية، مش مجرد قوالب جاهزة بيقلدها، وكمان إنه يكون عارف هو بيكتب إيه، وإيه المشاكل اللي واجهته، وإزاي يحلها، ده هيعزز فرصه جدًا.