كل النصائح

الـ AI مش جاي ياخد مكانك، بس المبرمج اللي بيعرف يستخدمه صح هياخد مكانك.

Amera Amr مرشد Senior backend developer @Innovitics inc · · معدّلة

الـ AI مش جاي ياخد مكانك، بس المبرمج اللي بيعرف يستخدمه صح هياخد مكانك.

لو بتستخدم أدوات الذكاء الاصطناعي عشان تنسخ كود جاهز وتحطه في مشروعك وخلاص، فأنت كده مش بتطور وهتفضل مكانك؛ في أول إنترفيو تقني مش هتعرف تبرر قرار واحد كتبته.

عشان تستغل الـ AI لصالحك وتكبر كمهندس:

  1. خليه يشرحلك مش يكتبلك: لو كونسيبت زي OOP أو العلاقات في الداتابيز مش مفهوم، اطلب منه يشرحهولك بتشبيه بسيط من الحياة.
  2. افهم الـ Error قبل الحل: لما يظهر خطأ أحمر في شاشتك، اسأله: "ليه ده حصل؟"، عشان تتعلم تقرأ الـ Logs بنفسك.
  3. اطلب مراجعة الكود (Code Review): اكتب الكود بإيدك أولاً وجرب ال prompt دي :
    "إزاي أحسن كتابة الكود ده ليكون Clean Code أكتر؟".
    "How can I refactor this code to make it cleaner?"
    خلّي الـ AI هو المساعد والـ Co-pilot، وأنت في الاخر صاحب القرار.
مفيدة · 8 14 تعليقات

النقاش

14 تعليقًا

اسأل المرشد عن هذه النصيحة أو أضف ما نجح معك. يصل إشعار بكل تعليق إلى المرشد.

انضم إلى النقاش سجّل الدخول لتطرح سؤالًا أو تردّ على بقية الطلاب.
تسجيل الدخول
  1. Mohamed Hamdi

    انا عندي استفسار ورد حضرتك هيفرق معايا جداً 🙏 انا مهندس مدني وسني 33.. ذاكرت الفترة اللي فاتت php, laravel, mysql, html, css, js, vuejs, bootstrap وطبعاً فرص العمل قليلة انا عاوز اتعلم كل اللي البشمهندس محمود بيقوله..لكن هل عشان الاقي فرصتي الاولى ك (entry level) لازم اكون متعلم sys design و sys architecture .. بتكلم عن فرصتي الاولى فقط

    1. Amera Amr المرشد

      بص كوجهه نظري الي محتاج اكتر تعمله انك تعمل مشاريع بي ايدك بمعني ai ميبقاش هو اعتمادك الاساسي وبالذات انك لسه في الاول لان كل ما تكتب كود اكتر كل ما هتفهم وهتواجه bugs. اكتر فتتعلم اكتر بعدين تبدا تشوف الحاجات advanced الي انت قولت عليها لان من وجهه نظري اي حاجه بتتعملها ملهاش لازمه لو مطبقتش عليها " طبقت كتير مش مشروع واحد "

  2. Hazem Essam

    نصيحه ممتازه شكرا ليكي 🙏

    1. Amera Amr المرشد

      شكرا يا بشمهندس

  3. Israa Essa

    شكرا بشمهندسه أميرة على النصائح فعلا كلامك سليم بس عندي نقطة أحيانا بتخليني أحتار، الطريقة دي ممكن نستخدمها لو نحنا مش مستعجلين ومحتاجين فعلا نفهم الكود وال logic ونطور من نفسنا والنصائح دي حلوه جدا بس لو أنا مستعجل وعندي deadline ولازم اسلم الشغل في اسرع وقت، وقتها صعب أني اعتمد على الطريقة دي لأني بطبيعة الحال هتطعطل الفكرة هي إزاي نوازن ونفرق مابين استخدام ال AI في الشغل وزيادة الإنتاجية؟ وإزاي نستخدمه ك mentor عشان نطور من نفسنا. لو حضرتك عندك نصائح ممكن تساعدني اكون متشكره اوي.

    1. Amera Amr المرشد

      دي حقيقه للاسف لازم نواكب السرعه ال deadline .. ازاي توازني انك تستغلي ال. ai انو يشرحك الي اتكتب واي ايرور ديما اساليه سببه ايه وحليته ازاي ف ديما خليه كمان اي حاجه جديده عليكي يعملهالك في doc انا الصراحه بحب كده بحيث اي وقت فاضيه فيه ارجع اقرا ال doc. دا

    2. Israa Essa

      ردًّا على Amera Amr

      شكرا بشمهندسه أميرة 💙

    3. Amera Amr المرشد

      ردًّا على Israa Essa

      العفو يا بشمهندسة ❤️

  4. Mahmoud Adel فريق مونسترزجيت

    دي حقيقة فعلاً وحابب اضيف برضوا جزئية الـ `/study-mode` والـ `/quality-code` مجرد ما بنكتب الـ كلمتين دول في اي Model بيبدأ انه يذاكرلي الكود ويعدل الـ Quality بتاعته

    1. Hazem Essam

      ممكن توضيح يا هندسه على الجزئيه دي ... ازاي بتتعمل

    2. Mahmoud Adel فريق مونسترزجيت

      ردًّا على Hazem Essam

      بص انت بتكتب الـ كود بتاعك للـ Ai وتديله في الاخر كلمة البرومبت ده ``` While you start review with `/quality-code` also enable `/studymode` so i can learn from the review ``` ده هيشغل 2 skills عند الموديل الـ مذاكرة والكود كواليتي

    3. Hazem Essam معدَّل

      ردًّا على Mahmoud Adel

      يعني ان احاليا بستخدم cursor or antigarvity هيبقي موجود فيهم .. ولا بحتارج انزلهم كـ skill الاول لكل IDE... ولا بمجرد ما اكتب هو اصلا بـ genrate الـskill لوحده ..... معليش انا تعبتك بس عشان افهم الفكره

  5. Ahmed Edress

    الـ AI قيمته في إنه يطور تفكيرنا مش يستبدله تسلم على الطرح الواعي والنصايح القيمة جزاك الله خيرا

    1. Amera Amr المرشد

      شكرا جدا 🙏🏻