Innovitics inc
·
· معدّلة
في أول شغلك، مفيش حد هيقعد جنبك ويديك المعلومة على الجاهز، والفرق الحقيقي بين شخص "بيخلص تاسكات" وشخص "بيتعلم وبيسيب أثر" هو طريقة تعامله مع التيم.
عشان تعمل لنفسك بصمة وتثبت وجودك:
-
قاعدة الـ 30 دقيقة والبحث الذاتي: قبل ما تروح تسأل السينيور أو التيم ليد، اقرأ الكود، راجع الـ Docs، وشوف الـ Git history والـ PRs القديمة للفيشر دي اسال ال ai لو موصلتش لحاجه ومفهمتش وقتها تقدر تسأل بعد ما تكون حاولت بنفسك، سؤالك بيكون: "أنا حاولت أحل الموضوع بالطريقة الفلانية بس وقفت في النقطة دي، إيه رأيك؟" مش "هو ده بيتعمل إزاي؟". -
افهم الـ "ليه" مش بس الـ "إزاي": التاسك اللي في إيدك مش مجرد كود بتكتبه، هي جزء من بيزنس كامل. افهم التغيير ده بيخدم مين، وإيه الـ Impact بتاعه على السيستم وباقي التيم. -
سيب المكان أحسن من ما دخلته:لقيت جزئية في الكود مبهمة؟ شفت توثيق (Docs) قديم ومحتاج تحديث؟ حليت مشكلة غريبة وطلعت بحل ليها؟ اكتبه وشاركه مع التيم. التوثيق هو أسهل وأسرع طريقة تثبت بيها إنك شغال بعقلية الـ Ownership وبتخدم التيم كله مش بس نفسك.
الأثر مش بيتعمل بالصوت العالي ولا بعدد الساعات، بيتعمل بأن الناس ترتاح وتثق إن التاسك لما بتدخل تحت إيدك هتطلع مدروسة ومفهومة.
عشان كده عملت سيشن ازاي تبقي من مجرد شخص بيخلص التاسكات لي software engineer
وفعلا حصل معايا موقف خلاني أقتنع بالكلام ده جدا كان بيقابلني Error في مشروع وكنت كل ما أسأل صاحبي يقولي اعمل Search وأرجعله أقوله دورت ومفيش نتيجة يقولي دور تاني بشكل أعمق 😂 وفضلت أدور لحد ما وصلت للحل في موقع من المواقع الهندية بس الأحلى إني مكنتش لقيت الحل وخلاص أنا كمان فهمت المشكلة كانت فين وإيه سببها وإزاي اتحلت وساعتها اكتشفت إن رحلة البحث نفسها ساعات بتعلمك أكتر من الحل لأنك بتطلع منها فاهم مش مجرد ناقل كود فعلا التجربة دي خلتني أقدر قيمة البحث والمحاولة قبل ما أسأل حد